Фестываль відэа аб міграцыі
Фестываль PLURAL+ запрашае моладзь да 25 гадоў з усяго свету прадставіць арыгінальныя і крэатыўныя відэаролікі, прысвечаныя тэмам міграцыі, разнастайнасці і сацыяльнай інтэграцыі.
PLURAL+ гэта сумесная ініцыятыва Альянсу цывілізацый ААН (UNAOC) і Міжнароднай арганізацыі па міграцыі (МАМ). Падтрымліваючы распаўсюджванне моладзевых СМІ, PLURAL+ матывуе моладзь спрыяць сацыяльным зменам у свеце, які часта характарызуецца нецярпімасцю, культурнымі і рэлігійнымі адрозненнямі.
Відэаролікі PLURAL+ павінны доўжацца не больш за пяць хвілін і могуць быць любога жанру (анімацыя, дакументальны фільм, музычнае відэа, камедыя і г. д.). Відэа могуць быць на любой мове, але абавязковыя англійскія субцітры.
Пераможцаў чакае запрашэнне на фестываль напрыканцы года.