[UPD — Практыка не ажыццяўляецца з 2023 года]
Мэта практыкі — сацыялізацыя людзей сталага веку праз далучэнне іх да культуры спажывання кавы ў кавярнях.
Аксана Барысевіч — стваральніца ініцыятывы і прадстаўніца Цэнтра актыўнага даўгалецця — доўга выношвала ідэю, на якую яе натхнілі агульныя сустрэчы са студэнтамі і студэнткамі ў грамадскіх месцах. Аксана паставіла сабе за мэту паказаць людзям элегантнага веку, што кавярні даступныя для кожнага ўзросту і што гэта цудоўны спосаб бавіць вольны час.
Сэнс практыкі ў тым, што кожны наведвальнік кавярні можа аплаціць кубачак кавы ці гарбаты для гасцей сталага веку. А тыя, у сваю чаргу, могуць скарыстацца магчымасцю атрымаць асалоду і ад смачнага напою, і ад часу, праведзенага ва ўтульным месцы.
Пад час рэалізацыі ініцыятывы была праведзеная акцыя “Падвешаная кава”, у якой удзельнічалі 5 менскіх кавярняў. Наведвальнікам кавярні прапаноўвалі аплаціць кубачак кавы для гасцей сталага веку. У выніку было сабрана 40 кубачкаў кавы і 2 кубачкі гарбаты.
Таксама ў межах праекта былі выпрацаваны крытэрыі прыязнасці кавярняў да людзей старэйшага ўзросту і праведзены маніторынг 25 кавярняў па гэтым крытэрыям. На мапе «прыязных» кавярняў з’явілася 15 кропак, якія будуць радыя бачыць сярод сваіх гасцей людзей сталага веку.
Праект быў рэалізаваны ў межах адукацыйнага курса All Inclusive, які адбыўся ў межах ініцыятывы ALL Inclusive Цэнтра развіцця эфектыўнай камунікацыі «Жывая Бібліятэка» ў партнёрстве з Офісам еўрапейскай экспертызы і камунікацый і анлайн-часопісам CityDog.io.
Кантакты: Аксана Барысевіч, Facebook
Падзяліцца | Поделиться:
