Варштат па персанальных дадзеных для мэнэджар_ак НДА ў Вільнюсе

Пройдзе 23-25 чэрвеня

ІншыЯ, Human Constanta і Кібер Бабёр запрашаюць на варштат пра этычную і правамерную працу з персанальнымі дадзенымі для беларускіх НДА, якія працуюць у краіне і за мяжой. 

Па выніках варштату ўдзельні_цы:

1. Атрымаюць паглыбленыя веды аб інфармацыйнай прыватнасці, сучасных пагрозах і адказнасці НДА перад супрацоўні_цамі, прыхільні_цамі і законам.
2. Даведаюцца якімі нормамі мусіць кіравацца арганізацыя, каб абараняць персанальныя дадзеныя, якія дакументы і працэдуры мусіць распрацаваць, як выбраць інструменты апрацоўкі дадзеных.
3. Разбяруць кейсы і тыповыя памылкі НДА ў апрацоўцы дадзеных.
4. Складуць план зменаў у арганізацыі, скіраваных на больш эфектыўную і адказную працу з дадзенымі.

Для каго варштат?

Мэнэджар_кі НДА і тыя, хто прымае рашэнні ў камандзе, якія хочуць падвысіць культуру працы з персанальнымі дадзенымі ў сваёй арганізацыі. 

 Трэнеры:  Аляксей Казлюк і Марыя Арнст.

Варштат спалучае лекцыі эксперта_к, абмеркаванні і абмен досведам, разбор кейсаў, самастойныя і сумесныя практыкаванні. Мы чакаем, што па выніках удзельні_цы змогуць спланаваць змены ў арганізацыі, скіраваныя на больш адказную і бяспечную працу з дадзенымі, а таксама выкананне патрабаванняў GDPR (General Data Protection Regulation).

Калі? Дзе? Як?

• 23-25.06 (вечар пятніцы, поўны дзень у суботу, частка дня ў нядзелю).  Удзел ва ўсёй праграме варштату абавязковы! 
• Вільнюс, Літва. Дакладнае месца будзе паведамлена адабраным удзельні_цам.
• Мова варштата: беларуская.

❗Звярніце ўвагу, што арганізатар_кі варштата НЕ пакрываюць выдаткі на пражыванне і транспарт. Падчас мерапрыемства ўсе ўдзельні_цы будуць забяспечаны харчаваннем.

‼️ Рэгістрацыя абавязковая па спасылцы https://forms.gle/WEr9yVA4HMJn7g2T8 і адкрытая да 23:59 18.06. Вы атрымаеце запрашэнне на варштат не пазней за 20.06 уключна.

Тэмы, якія будуць разгледжаны на варштаце:

1. Тэорыя і гісторыя інфармацыйнай прыватнасці.
2. Як НДА перастаць быць часткай праблемы і стаць часткай рашэння.
3. Што такое персанальныя дадзеныя, спецыяльныя персанальныя дадзеныя, ананімізаваныя дадзеныя.
4. Кантралёр, працэсар, суб’ект дадзеных, DPA, DPO.
5. Прынцыпы апрацоўкі персанальных дадзеных паводле GDPR.
6. Згода і іншыя законныя падставы для апрацоўкі.
7. Правы суб’ектаў, перадача дадзеных трэцім асобам і за мяжу.
8. Разбор кейсаў: арганізацыя мерапрыемстваў, кансультацый, стажыровак, адукацыйных праграм, справаздачнасць і іншыя сітуацыі апрацоўкі.
9. Мэнэджмэнт персанальных дадзеных у арганізацыі: мэпінг, працэдуры, дакументы, навучанне каманды.

Па ўсіх пытаннях можна звяртацца на пошту [email protected]. 

Гэты варштат з’яўляецца часткай серыі сумесных дзеянняў ІншыЯ, Human Constanta і Кібер Бабёр па прасоўванні тэмаў прыватнасці і працы з персанальнымі дадзенымі сярод грамадскіх арганізацый і ініцыятыў. Сачыце за сацсеткамі арганізатар_ак і не прапусціце анонсы наступных падзей і карысныя матэрыялы.