Адбудзецца 25 чэрвеня з 16:00 да 20:00
Любіце танчыць? Любіце танчыць разам з іншымі, але стаміліся ад гетэранарматыўнасці на звычайных танцавальных вечарынах? Прыходзьце адзначыць заканчэнне Месяца Гонару ў CreateCulture Space разам з АБФ у Літве!
Вясёлкавы вальс: квірная танцавальная вечарына, дзе ўсе вольныя танчыць з усімі, з кім захочуць
На вечарыне будзе створана інклюзіўная і вясёлая атмасферв, у якой усе ўдзельнікі_цы змогуць танчыць з кім заўгодна ― па ўзаемнай згодзе, вядома! Ніякіх гендэрных межаў і стэрэатыпаў!
Падчас імпрэзы навучымся танчыць розныя парныя і групавыя танцы ― беларускія і еўрапейскія, паўдзельнічаем у танцавальных гульнях, пачастуемся святочнымі прысмакамі і наўпрост пазнаёмімся адно з адным. Прыходзьце адны, парамі, разам з каханкамі, сябрамі і сяброўкамі — любой колькасцю!