24 і 25 кастрычніка ў кожнага i кожнай ёсць магчымасць паўдзельнічаць у мерапрыемствах «Жывой Бібліятэкі» розных фарматаў!
Цябе чакаюць:
24 кастрычніка, 12:00
Сацыяльная гульня «Іншы погляд» – гэта інтэрактыўная сацыяльная гульня, дзе ўдзельнікі прымяраюць на сябе ролю іншага чалавека і прымаюць рашэнні ад яе \ яго асобы па абмежаванаму колу пытанняў ад мадэратараў і мадэратарак гульні. Гульня дае магчымасць адчуць сябе ў ролі іншых, даведацца і задумацца, з якімі праблемамі яны сустракаюцца ў паўсядзённым жыцці і якія эмоцыі адчуваюць. Гульня дазваляе адкрыць для сябе новыя рэчы, новых людзей і пераасэнсаваць сябе.
24 кастрычніка, 15:00
Адкрытае інтэрв’ю – новы фармат, у якім мы гутарым з героем і яго блізкімі людзьмі пра тое, з якой праблемай яны сутыкнуліся і як знайшлі з яе выхад.
25 кастрычніка, 16:00 — 20:00
Вялікая “Жывая Бібліятэка” — незвычайная бібліятэка, дзе замест кніг выступаюць звычайныя людзі са сваімі гісторыямі, якія гатовыя адказаць на любыя пытанні.