Да дня жаночай салідарнасці
Форум-тэатр бярэ ад класічанга тэатру дзею і дадае голас, кожны голас. Голас уключанасці ці, наадварот, адчужанасці і адрынутасці, які ведае прыгнёт і вымаўляе яго. Голас, які бярэ ад самога сябе, і дадае дзею.
На нашым мерапрыемстве, прысвечаным дню салідарнасці жанчын, мы б хацелі дадаць гэтаму голасу акрэслена жаночую інтанацыю.
Мы запрашаем на форум-тэатр ад «Адчуй» — інтэрактыўны тэатральны метад, які дазваляе ствараць сацыяльныя пастаноўкі, да таго ўключаць не толькі самое акторства, але і глядацтва ў развязванні праблем.
✦ даведаемся гісторыю з’яўлення Тэатру Прыгнечаных;
✦ разбяром правілы і прынцыпы форум-тэатру;
✦ паразмаўляем пра правы чалавека;
✦ навучымся тэатральным тэхнікам, працай з целам і голасам;
✦ паставім уласную тэатральную пастаноўку, якая будзе паказана напрыканцы трэцяга дня!
Да сустрэчы!