Тыдзень нулявой дыскрымінацыі 2024

Тыдзень нулявой дыскрымінацыі 2024

Што такое Тыдзень нулявой дыскрымінацыі?

Ужо дзясяты год запар па ўсім свеце  1 сакавіка  адзначаецца Zero Discrimination Day, альбо  Дзень нулявой дыскрымінацыі . Ён накіраваны на  павышэнне роўнасці ўсіх людзей  перад законам і на практыцы. У гэты дзень арганізацыі і ініцыятывы, актывісты і актывісткі па ўсім свеце аб’ядноўваюць свае намаганні, каб павысіць дасведчанасць і зрабіць захады па знішчэнні дыскрымінацыі ва ўсіх яе формах.

Арганізацыя «ІншыЯ» прытрымліваецца недыскрымінацыі як асноватворнай каштоўнасці. Мы зацікаўлены ў тым, каб гэты дзень станавіўся больш значным і бачным для кожнай і кожнага ў нашым грамадстве!

Таму  мы зноў абвяшчаем #ZeroDiscriminationWeek  — Тыдзень нулявой дыскрымінацыі, які пройдзе  з 1 па 8 сакавіка 2024 года .  Гэта тыдзень асветніцкіх дзеянняў супраць дыскрымінацыі. 

Запрашаем усіх жадаючых далучыцца да нашай кампаніі!

#ZDW2024

Падзеі Тыдня 2024

Як прайшлі падзеі мінулых гадоў можна паглядзець на старонках:

Чаму гэта важна?

 Вы можаце змяніць сітуацыю! 

З дапамогай сваіх актыўнасцяў мы не толькі распавядаем пра віды і наступствы дыскрымінацыі, але і даем слова тым, хто пакутуе ад яе. Дыскрымінацыя можа быць нябачнай, несістэмнай, выпадковай, але моцна ўплываць на стан пацярпелых. Таму так важна пра яе казаць, каб людзі не адчувалі сябе пакінутымі сам-насам са сваімі хваляваннямі, выключанымі з грамадства, самотнымі.

Адзін невялікі ўчынак, рэпост або слова можа паўплываць на сітуацыю. Дапамагчы зможа не толькі само выказванне ў сітуацыях, калі адбываецца несправядлівасць, але і разуменне таго, якія ўчынкі і словы з’яўляюцца дыскрымінацыяй.

Далучыцца да стварэння #ZDW2024

Хочам  далучыцца да Тыдня як арганізацыя/ініцыятыва! Як гэта зрабіць?

Крутая ідэя!

Можна правесці сваё мерапрыемства, інфакампанію або стварыць іншы прадукт і прэзентаваць падчас Тыдня 1-8 сакавіка. Або зрабіць пост супраць дыскрымінацыі, падзяліцца асабістымі гісторыямі ці распавесці пра Тыдзень у сацсетках.

Калі вызначыцеся з фарматам — запоўніце форму. З вамі звяжацца каардынатарка Тыдня і дапаможа з інфармацыйнай падтрымкай. Мы зможам размясціць ваш анонс на сайце, а таксама зрабіць рэпосты ў сацсетках.

Сімвалам Дня нулявой дыскрымінацыі з’яўляецца  матылёк  як сімвал пераўтварэнняў. Мы заклікаем выкарыстоўваць стылізаваных матылькоў або лагатыпы на сваіх афішах і ілюстрацыях.

Пазначайце свае пасты ў сацсетках хэштэгамі  #ZDW2024, #ZeroDiscriminationWeek . А таксама рабіце рэпосты калег і каляжанак з адпаведным хэштэгам — гэта дапаможа ў дасягненні нашай агульнай мэты!

У мяне няма арганізацыі/ініцыятывы, ці магу я далучыцца?
Так! Вы ўсё яшчэ можаце рабіць пасты, запісваць відэа і сторыз, узгадваць тыдзень у падкастах ці артыкулах, ды расказваць пра дыскрымінацыю ў зручным для вас фармаце. Не забывайце пра лагатыпы і хэштэгі  #ZDW2024, #ZeroDiscriminationWeek  — з іх дапамогай вы зробіце Тыдзень больш бачным.
Хачу прапанаваць нешта асаблівае!
Пішыце нам на пошту zdw@theothersby.org! Мы з задавальненнем абмяркуем вашу прапанову.
Хачу паўдзельнічаць у івэнтах!

Цудоўна! На гэтай старонке і ў нашым Instagram вас будуць чакаць абвесткі і афішы ўжо ў лютым. Запрашаем падпісвацца і сачыць за навінамі!

А зараз запрашаем натхніцца і пачытаць карысныя матэрыялы за мінулыя гады ў Instagram і на нашым сайце.

Партнёры і партнёркі

Падзяліцца | Поделиться:
Падпісацца на рассылкуПадтрымаць