Глядзім «LA HAINE»
Міжнародны дзень у падтрымку ахвяраў катаванняў адзначаецца 26 чэрвеня — дзень, калі ў 1987 годзе Канвенцыя супраць катаванняў і іншых жорсткіх, бесчалавечных або прыніжаючых годнасць відаў абыходжання і пакарання ўступіла ў сілу. І ў нас ёсць для вас прапанова, як правесці гэты дзень.
Запрашаем разам з намі паглядзець фільм «LA HAINE», падыскутаваць аб гвалце, якія віды ёсць і як падтрымліваць людзей.
LA HAINE — Парыж, сярэдзіна 1990-х гадоў. Пасля беспарадкаў, справакаваных паліцэйскай самаўпраўнасцю ў дачыненні да арабскага падлетка Абдэля, у бедных кварталах, удалечыні ад турыстычных маршрутаў, трое сяброў знаходзяць рэвальвер. Фільм даследуе тэмы расізму, гвалту і роспачы, і ён з’яўляецца магутным абвінавачаннем у адрас грамадства, якое спараджае такія ўмовы.
* Мерапрыемства праводзіцца ў межах Тыдня супраць катаванняю, які ладзіць Прававая ініціятыва і спецпраект «Міжнародны камітэт па расследванні катаванняў у Беларусі»