17 траўня 2023
17 траўня ва ўсім свеце адзначаецца Міжнародны дзень супраць гамафобіі, біфобіі і трансфобіі (IDAHOBIT).
У гэты дзень запрашаем усіх на тэматычны кінапрагляд.
Пад час мерапрыемства мы праглядзім карціну «Гонар»* (анг. Pride), якая распавядае пра гістарычную падзею ў Велікабрытаніі, калі група геяў і лесбіянак з Лондана аб’ядналася для падтрымкі шахцёраў, якія страйкавалі ва Уэльсе.
Пасля прагляду мы коратка абмяркуем уражанні і пагутарым пра дыскрымінацыю ў сучасным грамадстве.
Мовы мерапрыемства – беларуская і руская. Мова паказу фільма – руская.
На мерапрыемства можна прыносіць свае любімыя напоі.
Рэгістрацыя абавязковая па спасылцы, колькасць месцаў абмежаваная!
Рэгістрацыя адкрытая да 23:59 16 траўня. Пасля запаўнення формы рэгістрацыі вам прыйдзе ліст з пацверджаннем і запрашэнне на мерапрыемства.
Па ўсіх пытаннях можна звяртацца да нас на пошту info@theothersby.org.
*Па ацэнцы сістэмы рэйтынгу фільмаў Motion Picture Association фільм атрымаў рэйтынг R (Restricted) – да 17 гадоў патрабуецца суправаджэнне бацькоў ці дарослага апякуна.