Форма запыта кансультацый па тэме скразных каштоўнасцяў
Арганізацыя ІншыЯ адкрывае магчымасць атрымаць бясплатныя кансультацыі і іншую падтрымку на тэму скразных каштоўнасцяў!
Скразныя каштоўнасці — гэта ўніверсальныя для любой дзейнасці тэмы, звязаныя з дасягненнем глабальных мэтаў развіцця грамадства і дзяржавы. Мы разглядаем у якасці скразных каштоўнасцяў правы чалавека, інклюзію, гендарную роўнасць і экапрыязнасць. Рэалізацыя гэтых каштоўнасцяў наўпрост звязаная з прынцыпамі дэмакратычнасці і дапамагае рабіць нашу дзейнасць больш устойлівай і ўплывовай, уключаць у працу новыя мэтавыя групы.
Калі вы хочаце зрабіць працу сваёй арганізацыі ці ініцыятывы больш дэмакратычнай і эфектыўнай, выкарыстоўваючы скразныя каштоўнасці, то мы будзем радыя дапамагчы вам у гэтым!
Арганізацыі, ініцыятывы, асобныя актывіст_кі, якія хочуць уключаць у сваю дзейнасць скразныя каштоўнасці больш сістэмна і паслядоўна з падтрымкай знешніх эксперт_ак.
Ліпень-лістапад 2024. Дакладны час будзе абмяркоўвацца асобна па кожным запыце.
Эксперт_кі каманды ІншыЯ і іншыя запрошаныя профільныя эксперт_кі.
Форму можна запоўніць, пакуль яна не будзе закрыта. Колькасць бясплатных кансультацый абмежаваная. Заяўкі будуць апрацоўвацца па чарзе і форма можа быць закрыта, калі мы атрымаем большую колькасць заявак, чым можам апрацаваць. Калі ласка, не адкладвайце запаўненне формы.
Правядзенне кансультацый і іншай падтрымкі з’яўляецца канфідэнцыйным. Гэта значыць, што атрыманая ў межах аказання паслуг інфармацыя пра дзейнасць арганізацый і ініцыятыў будзе выкарыстоўвацца толькі для аказання адпаведных паслуг і не будзе перадавацца трэцім асобам.