З 9 па 19 лістапада праваабарончая арганізацыя Human Constanta зноў ініцыюе Тыдзень за Роўнасць і Інклюзію. Разам з удзельні_цамі каманды Human Constanta Валдзісам і Кацяй расказваем пра гісторыю і мэту гэтай кампаніі, а таксама як мы асабіста можам стаць больш інклюзіўнымі.
Тыдзень за Роўнасць і Інклюзію аб’ядноўвае розныя недзяржаўныя арганізацыі, якія ладзяць адпаведныя мерапрыемствы ў межах гэтай падзеі. У гэтым годзе да Тыдня далучыліся «ІншыЯ», Прававая ініцыятыва, Беларускі Хельсінскі Камітэт, ініцыятыва «Новыя Рэгіёны», ініцыятыва «Гэта База» і іншыя.
Мэта Тыдня за Роўнасць і Інклюзію
Валдзіс і Каця, удзельні_цы каманды Human Constanta:Тыдзень за Роўнасць і Інклюзію праходзіць у межах Агульнаеўрапейскага Тыдня асветніцкіх дзеянняў супраць антысемітызму, які штогод ініцыюецца Еўрапейскім аб’яднаннем супраць нацыяналізму, расізму, фашызму і ў падтрымку мігрант_ак і бежан_ак United. Ужо каля 10 гадоў беларускія праваабаронцы і актывіст_кі праводзяць разнастайныя мерапрыемствы з мэтай:
- прыцягнуць увагу да праблемы агрэсіўных дыскрымінацыйных практык у дачыненні да ўразлівых групаў як з боку дзяржаваў, так і асобных супольнасцяў і людзей;
- абмеркаваць глыбінныя прычыны дыскрымінацыйных практык і іхнюю папулярнасць, нягледзячы на многія «жахлівыя старонкі ў гісторыі»;
- падумаць над магчымымі індывідуальнымі і сумеснымі дзеяннямі па супрацьдзеянні ім.
Фармат Тыдня
Валдзіс і Каця, удзельні_цы каманды Human Constanta:Нам удаецца праводзіць мерапрыемствы вельмі разнастайных фарматаў: ад публікацыі ў сацыяльных сетках да буйных адукацыйна-забаўляльных фестываляў. Да мерапрыемстваў далучаюцца ўсе ахвочыя і атрымліваецца зрабіць гучную заяву, што ў Беларусі і свеце шмат людзей, для якіх важныя прынцыпы роўнасці і інклюзіі.
Звычайна кожны Тыдзень мае пэўную тэму. Дзякуючы гэтаму мы імкнёмся прыцягнуць увагу да праблемаў асобных групаў і падсвяціць нейкія прынцыпы дзейнасці і каштоўнасці. Таксама важнай часткай з’яўляецца праява салідарнасці.
У гэтым годзе ў межах тыдня мы прапаноўваем падумаць пра роўнасць і інклюзію з абсалютна розных бакоў. Вы даведаецеся больш пра міграцыю, рэпрадуктыўныя правы, спорт і інклюзію, экалогію і веганства, адукацыю і… гэта толькі пачатак!
Парады па інклюзіўнасці
Валдзіс і Каця вызначылі 10 парадаў для кожн_ай, з дапамогай якіх можна зрабіць сябе больш інклюзіўнымі.
Мерапрыемствы ў межах Тыдня за Роўнасць і Інклюзію і іншая адукацыйна-асьветніцкая праца праваабарончых і недзяржаўных арганізацый і ініцыятываў дапамогуць вам стаць больш інклюзіўнымі. Там вы зможаце пазнаёміцца і паспрабаваць гэтыя практыкі, знайсці аднадумцаў і стаць часткай зменаў на карысць больш адкрытага, бяспечнага, справядлівага і інклюзіўнага грамадства.
Cпіс актуальных мерапрыемстваў Тыдня за Роўнасць і Інклюзію можна знайсці ў Instagram кампаніі Розныя-Роўныя.
