Вільня, Літва
Мэта практыкі: стварыць умовы для камфорнага шопінгу для людзей з разладамі аўтычнага спектра (РАС).
Час цішыні — спецыяльна выдзелены час, калі ў гандлёвым цэнтры выключаюць музыку і змяншаюць яркасць асвятлення для таго, каб людзі з разладамі аўтычнага спектра маглі камфортна рабіць пакупкі.
Такая практыка пачала рэалізоўвацца з 21 лістапада 2023 года ў віленскім гандлёвым цэнтры «Ozas» (далей — ГЦ). Адрас цэнтра: Ozo g. 18. Час цішыні ладзіцца кожны аўторак з 10:00 да 11:30.
Таксама ў ГЦ адчыненыя спецыяльныя зоны, дзе можна адпачыць пасля пакупак, пабыць сам-насам з сабою.
Калі вы хочаце, каб да вас ставіліся больш клапатліва падчас знаходжання ў гандлёвым цэнтры, вы можаце звярнуцца ў інфармацыйны цэнтр па спецыяльную зялёную стужку са сланечнікамі. Стужка будзе інфармаваць супрацоў_ніц ГЦ пра тое, што вам трэба больш увагі, клопату і разумення падчас шопінгу.
Падзяліцца | Поделиться:
