Мэта практыкі: сацыяльнае суправаджэнне людзей з ВІЧ або тых, хто знаходзіцца на замяшчальнай метадонавай тэрапіі (ЗМТ).
Беларускае грамадскае аб’яднанне «Пазітыўны рух» аказвае сацыяльную паслугу па роўным кансультаванні людзей з ВІЧ або тых, хто знаходзіцца на замяшчальнай метадонавай тэрапіі (ЗМТ).
Роўн_ая кансультант_ка — гэта асоба, якая прайшла падрыхтоўку па роўным кансультаванні і дапамагае іншаму чалавеку захаваць кантроль над уласным жыццём і здароўем, а таксама палепшыць яго якасць.
Роўн_ая кансультант_ка усталёўвае партнёрскія, «роўныя» адносіны з чалавекам, што адрознівае іх ад медыцынскіх работн_іц. Роўн_ая кансультант_ка, звяртаючыся да ўласнага досведу, падтрымлівае чалавека ў цяжкую хвіліну і забяспечвае важнай інфармацыяй, дапамагае вырашаць паўсядзённыя сацыяльныя праблемы, звязаныя са статусам ці са знаходжаннем на ЗМТ.
Да роўных кансультант_ак можна звярнуцца:
- пры пошуку працы і складанні рэзюмэ;
- па інфармацыю пра ЗМТ; ВІЧ і яго лячэнні; інфекцыі, якія перадаюцца палавым шляхам; гепатыт; сухоты;
- па суправаджэнне да профільных дактароў і іншых спецыяліст_ак;
- па кансультаванне сваякоў і блізкіх;
- калі ёсць складанасці з ужываннем псіхаактыўных рэчываў і алкаголю.
Для сувязі з кансультант_кай можна выбраць зручны спосаб — асабістая сустрэча, кансультацыя па тэлефоне, у сацыяльных сетках і месэнджарах, па электроннай пошце, у тым ліку па вечарах і выходных.
Спісы роўных кансультант_ак можна знайсці па спасылках: для людзей з ВІЧ, для людзей на ЗМТ.
Пазнаёміцца з методыкай працы можна ў дапаможніку «Путеводитель для равных консультантов, работающих онлайн. Теория и практикум». Таксама можна прайсці анлайн-курс «Равное консультирование онлайн».
Кантакты: сайт, +375 17 28 16 53
Падзяліцца | Поделиться:
