Сабралі для вас самае важнае, што адбылося ў красавіку! Хутчэй чытайце дайджэст!

15%

столькі падлеткаў у Еўропе, Цэнтральнай Азіі і Канадзе падвергліся кіберзапалохванню хаця б 1-2 разы за апошнія месяцы па дадзеных Сусветнай арганізацыі аховы здароўя. Адзін з 10 падлеткаў сутыкаўся з булінгам у школе не менш за 2-3 разы за апошнія месяцы.

Каштоўнасны падмурак Новай Беларусі

У межах праекта «Наша візія» Кацярына Дзяйкала і Зміцер Крук абмеркавалі што складнікамі будучых беларускіх рэформ, сярод іншых, мусяць быць інклюзія, разнастайнасць і дыялог.

Што такое слюр, і як мы яго выкарыстоўваем

Разбіраліся ў новым артыкуле з тэрмінам «слюр» — гэта словы, якімі можна абразіць людзей пэўнай нацыянальнасці, сацыяльнага статусу, сэксуальнай арыентацыі, гендару і стану здароўя. Хутчэй за ўсё вы іх выкарыстоўваеце.

Сабакі для супакаення трывогі ў аэрапорце

Аэрапорт Стамбула дае магчымасць пасажыр_кам з трывогай з дапамогай сабак-тэрапеўтаў зрабіць іх падарожжа больш прыемным і камфортным. У аэрапорце Стамбула сабакі з’яўляюцца сталымі супрацоўні_цамі. А аэрапорт Вільнюса ў красавіку праводзіў першы эксперымент з сабакамі-тэрапеўтамі.

Дэманстрацыя гомасэксуальных стасункаў цяпер парнаграфія

Такі загад выпусціла Міністэрства культуры Беларусі. Яно прыраўняла «дэманстрацыю нетрадыцыйных адносін» да заафіліі, некрафіліі і садызму. За распаўсюд парнаграфіі ў Беларусі могуць пазбавіць волі на тэрмін да чатырох гадоў.

Гарантыі сямейных каштоўнасцяў у Канстытуцыі Грузіі

Дэпутат «Грузінскай мары» Мамука Мдынарадзэ заявіў, што ў Канстытуцыю Грузіі неабходна ўнесці папраўкі, якія замацуюць «гарантыі сямейных каштоўнасцяў і абароны непаўналетніх ад ЛГБТ-груп у краіне».

Новы Пакт Еўрапейскага Саюза аб міграцыі

Еўрапейскі парламент ухваліў узмацненне кантролю за мігрант_камі і бежан_камі. Праваабаронцы кажуць аб тым, што новы Пакт «адкрые смяротную эру лічбавага назірання». Правілы могуць негатыўна паўплываць на розныя ўразлівыя групы.

Ідэалагічны разрыў па гендарнай прыкмеце

Выданне Financial Times выпусціла даследаванне, паводле якога ў шэрагу краін мужчыны да 30 гадоў становяцца больш кансерватыўнымі, а маладыя жанчыны — ліберальнымі. Хоць гістарычна людзі аднаго пакалення прытрымліваюцца падобных светапоглядаў.

Журналіст Зьміцер Панкавец больш не працуе на «Радыё Свабода»

У пачатку сакавіка спецыялістка па камунікацыях Ганна Клімовіч распавяла пра тое, што яе былы муж, журналіст Зміцер Панкавец, раней ужываў да яе хатні гвалт. Гісторыя атрымала шырокі розгалас. Журналіста спачатку адхілілі ад працы, а ў красавіку звольнілі.

Штучны інтэлект практыкуе сэксуалізаваныя дамаганні

AI-кампаньёны — наша новая рэчаіснасць. Яны імкліва развіваюцца і нясуць у сабе ўсе выклікі такога развіцця. Не сціхаюць абмеркаванні віртуальнага кампаньёна Replika, які, мяркуючы па водгуках, дамагаўся людзей, якія не давалі на гэта згоду.

Няспынныя тэмпературныя рэкорды

У гэтым годзе сакавік стаў самым цёплым за ўсю гісторыю назіранняў. Мінулыя 12 месяцаў лічацца самым спякотным перыядам з калі-небудзь зарэгістраваных. З красавіка 2023 па сакавік 2024 сярэдняя глабальная тэмпература была на 1,58॰С вышэй за сярэднюю тэмпературу ў даіндустрыяльны перыяд 1850-1900 гадоў.

У Беларусі з’явіўся мурал, які ачышчае паветра

У Віцебску на доме па вуліцы Воінаў-Інтэрнацыяналістаў, 12/2 з’явіўся мурал, які называюць экалагічным. Мурал намаляваны пры дапамозе высокатэхналагічнай фарбы, якая ачышчае паветра за кошт фотакаталітычнай рэакцыі.

Што такое экатрывожнасць і як з ёй жыць

Пачуццё страты, звязанае з разбурэннем навакольнага асяроддзя ці зменай клімату, псіхалагі_ні завуць экалагічным горам і экатрывожнасцю. Абодва гэтыя станы могуць быць настолькі знясільваючымі, што ў выніку адбіваюцца на працаздольнасці чалавека, жаданні заводзіць дзяцей і нават працягваць жыць.

Анонсы і магчымасці падтрымкі

Цікавыя ініцыятывы