Мэта практыкі: навучыць жанчын абараняць сябе ад фізічнага і псіхалагічнага гвалту.
Крав мага — гэта ізраільская сістэма самаабароны і рукапашнага бою. Сістэма была створаная Імі Ліхтэнфельдам у 1930-х гадах, калі габрэйскаму насельніцтву Браціславы трэба было бараніцца ад антысемітаў. Але пазней сістэма была адаптаваная і для жанчын, і для дзяцей.
Асноўная мэта сістэмы — нейтралізаваць пагрозу як мага хутчэй самым простым і эфектыўным спосабам , у гэтай сістэме няма забароненых прыёмаў, як у спорце.
Сістэма Крав мага вучыць асновам асабістай бяспекі ў шырокім разуменні гэтага слова:
- як пазбягаць стрэсавых і небяспечных сітуацый;
- як граматна ацаніць сітуацыю, у якой апынулася, і вырашыць, што рабіць далей;
- як падрыхтаваць сябе да абароны на псіхалагічным узроўні;
- як адчуць і абараняць асабістыя межы;
- як абараняцца ў тым выпадку, калі не ўдалося пазбегнуць канфлікту.
У Беларусі да гэтага часу не прыняты Закон аб хатнім гвалце, таму навык самаабароны жыццёва неабходны для беларускіх жанчын.
Больш па тэме ў артыкуле «Хатні гвалт: сітуацыя ў Беларусі і дзе шукаць дапамогу»
У Мінску сістэме Крав мага можна навучыцца, напрыклад, у Personal Safety Academy (Панамарэнкі, 34 і вул. З. Бядулі, 1), таксама ў Федэрацыі Крав мага (вул. Славінскага, 45 і вул. Жудро, 40).
Кантакты: Personal Safety Academy, Федэрацыі Крав мага
Падзяліцца | Поделиться:
