Мэта практыкі: сацыяльная і псіхалагічная рэабілітацыя людзей з псіхічнымі разладамі і іх сваякоў
На базе Клубнага дома «Адкрытая душа»* дзейнічаюць групы падтрымкі для людзей, у якіх дыягнаставаныя дэпрэсія або біпалярны афектыўны разлад (БАР), а таксама групы для сваякоў людзей з псіхічнымі разладам.
*Падрабязней пра фармат працы можна пачытаць у нашай практыцы Клубны дом «Адкрытая душа»
Групы падтрымкі гэта рэальная магчымасць трапіць у кола аднадумцаў, адчуць падтрымку тых, хто сапраўды можа зразумець, а таксама пагаварыць, паслухаць і падзяліцца перажываннямі ў камфортнай атмасферы і атрымаць рэкамендацыі эксперт_ак па псіхічным здароўі.
Усе групы падтрымкі аб’яднаныя агульнымі прынцыпамі:
- канфідэнцыйнасць — усё агучанае падчас сустрэчы застаецца толькі паміж удзель_ніцамі групы;
- толькі добраахвотная актыўнасць — удзельні_цы самі вырашаюць, што казаць і як шмат, можна проста папрысутнічаць на сустрэчы без актыўнага вербальнага ўдзелу;
- павага да меркавання кожн_ай удзель_ніцы.
Група падтрымкі для людзей з дэпрэсіяй
Падтрымка людзей, што маюць праблемы з дэпрэсіяй або дэпрэсіўнымі думкамі.
Жывыя сустрэчы афлайн — Мінск, Кнорына 3.
Рэгістрацыя: праз тэлефон +375 25 768 71 24 (viber, telegram) або электронную пошту nepavelp@gmail.com.
Вядоўца Мікіта Патупчык.
Група падтрымкі людзей з біпалярным афектыўным разладам
Адбываецца анлайн 2 разы на месяц.
Рэгістрацыя: праз тэлефон +375257687124 (viber, telegram).
Вядоўца Оля Матусевич (роўная кансультантка).
Група падтрымкі для сваякоў людзей з ментальнымі разладамі
Анлайн 1 раз на месяц.
Вядоўца — псіхіятр-нарколаг, псіхатэрапеўт Сяргей Сакалоў.
Запіс на групу па тэлефоне +375 29 181 89 27.
Удзел ва ўсіх групах — бясплатны.Наведваць мерапрыемствы Клубнага дома могуць людзі:
- з псіхічнымі захворваннямі, якія старэйшыя за 18 гадоў і якія ўсведамляюць жаданне ўдзельнічаць у жыцці Клубнага дому;
- у якіх адсутнічае агрэсія ў паводзінах і якія маюць стабільны стан, які не патрабуе знаходжання ў бальніцы;
- якія могуць самастойна прыходзіць у Клубны дом і кантраляваць прыём лекаў.
Дапаможнік для вядучых і ўдзельні_ц
«Групы ўзаемадапамогі для людзей з біпалярным разладам і дэпрэсіяй»
Кантакты: сайт, ВКонтакте, Facebook
Падзяліцца | Поделиться:
