Вітаем! Новы выпуск нашай рассылкі — дайджэст навінаў пра скразныя каштоўнасці #11.

69-е месца з 177

заняла Беларусь у Глабальным індэксе міру і бяспекі жанчын 2023/2024 (WPS Index). Раней краіна была на 38-й пазіцыі. Самыя нізкія паказчыкі зафіксаваныя па крытэрыях «доступ да правасуддзя» і «адсутнасць юрыдычнай дыскрымінацыі ў адносінах да жанчын».

Парады па інклюзіўнасці

Разам з удзельні_цамі каманды Human Constanta Валдзісам і Кацяй з нагоды Тыдня за Роўнасць і Інклюзію расказваем пра гісторыю і мэту гэтай кампаніі, а таксама як мы асабіста можам стаць больш інклюзіўнымі.

Інклюзіўны фотасток

Ці проста знайсці ў інтэрнэце інклюзіўныя выявы для сайта і сацсетак? З гэтым дапаможа новая практыка з нашай Базы — інклюзіўныя фотастокі, якія дапамагаюць знайсці тыя малюнкі, якія сапраўды адлюстроўваюць разнастайнасць грамадства.

Інклюзіўны дызайн ад ІКЕА

Думаеце пра тое, якую мэблю набыць у кватэру ці офіс? IKEA запусціла лінейку Omtänksam (швед. «клапатлівы»), усе прадметы якой створаныя менавіта так, каб усім людзям, незалежна ад іх узросту і стану здароўя было зручна і бяспечна імі карыстацца.

Што патрэбна людзям старэйшага ўзросту для камфортнага жыцця

Пагаварылі з кіраўніцай адукацыйнага праекта для людзей старэйшага ўзросту Аленай Дзямідавай пра тое якія цяпер праблемы найбольш актуальныя для людзей старэйшага ўзросту і што мы можам зрабіць для камфортнай старасці іншых ужо зараз.

Палітычныя забойствы і смерці па віне рэжыму

Да дня смерці Рамана Бандарэнкі Прававая ініцыятыва падрыхтавала інфармацыйна-аналітычны агляд 16 смерцяў, якія адбыліся па віне рэжыму падчас і пасля пратэстаў 2020 года.

Праект Канцэпцыі кампенсацыі шкоды рэпрэсаваным

Офіс Святланы Ціханоўскай у супрацоўніцтве з беларускімі праваабарончымі арганізацыямі, НДА, юрыст_камі і былымі адвакат_камі распрацаваў праект Канцэпцыі кампенсацыі шкоды асобам, рэпрэсаваным у перыяд рэжыму А. Лукашэнкі. Праект утрымлівае захады па недапушчэнні паўтору сур’ёзных парушэнняў правоў чалавека.

«Міжнародны экстрэмісцкі грамадскі рух ЛГБТ»

Міністэрства юстыцыі Расіі вынайшла такую структуру як «міжнародны грамадскі рух ЛГБТ» і праз суд хоча аб’явіць яе «экстрэмісцкай арганізацыяй». Як такое прызнанне можа паўплываць на ЛГБТК+ людзей у Расіі паспрабавала разабрацца «Медуза».

Даследаванні раку гадамі праводзіліся толькі на мужчынах

У 2020 годзе двое з трох анкахворых пацыентаў да 50 гадоў аказаліся жанчынамі. Пры гэтым медыцына не да канца ведае нават фактары рызыкі анкалагічных захворванняў у жанчын, бо даследавалі толькі мужчын. «Настоящее Время» расказалі галоўнае з даклада ў медыцынскім часопісе Lancet пра «фемінісцкі падыход» да лячэння і прафілактыкі анкалогіі.

Цкаванне або асуджэнне харасмэнту? Разбіраемся

Пасля адмены выставы мастака Сяргея Сялецкага ў прасторы CreateCulture Space, пачалося абмеркаванне пытанняў харасмэнту і кэнсэлінга. З дапамогай гендарнай даследчыцы Ірыны Сідорскай мы вырашылі разабрацца ў паняццях: калі асуджэнне харасмэнту — гэта не цкаванне; а адмова ад супрацоўніцтва — не заўсёды пра кэнсэлінг.

Крав мага — самаабарона для жанчын

База практык на нашым сайце папоўнілася новым тэкстам пра сістэму самаабароны і рукапашнага бою. Яна была створаная Імі Ліхтэнфельдам у 1930-х гадах, калі габрэйскаму насельніцтву Браціславы трэба было бараніцца ад антысемітызму. Пазней сістэма была адаптаваная і для жанчын, і для дзяцей.

ChatGPT «спажывае» велізарную колькасць вады

Стварэнне вялікіх моўных мадэляў патрабуе аналізу велізарных аб’ёмаў тэксту, што прымушае суперкампутар спажываць шмат энергіі і выдзяляць шмат цяпла. У гарачае надвор’е цэнтры апрацоўкі дадзеных выкарыстоўваюць шмат вады для астуджэння.

Як правільна карміць жывёл і птушак у горадзе

Набліжаюцца халады, і гарадскім жыхар_кам хочацца паклапаціцца пра птушак і жывёл, якія жывуць у гарадах. Аднак часам кармленне дзікіх відаў можа быць шкодным ці нават небяспечным. Зялёны партал запісаў карысныя парады эксперт_ак па тэме.

Казкі пра ўстойлівае развіццё

Гэта навучальная праграма (не толькі) для дзяцей. Стваральніцы праекта вераць у тое, што з дзецьмі можна пачынаць абмяркоўваць такія тэмы, як змена клімату, экалогія, няроўнасць, але рабіць гэта трэба на зразумелай ім мове. Таму і былі абраныя казкі.

Магчымасці падтрымкі

Цікавыя ініцыятывы